Mujhe Mujhse Milati Ja Rahi Hai
mujhe mujh se milati ja rahi hai
faqiri ras aati ja rahi hai
ye miTTi mere KHal-o-KHad chura kar
tera chehra banati ja rahi hai
ye kis ki yaad hai jo mere dil mein
musalle se bichhati ja rahi hai
ajab shai hai suKHan ki sar-bulandi
mere sar ko jhukati ja rahi hai
jo masti raqs mein rakhti thi mujh ko
wo sajdon mein rulati ja rahi hai
lahu bahne laga hai eDiyon tak
ibaadat rang lati ja rahi hai
Arif Imam 
(1138) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544