Nafas Ki Aamad-o-shud Ko Wabaal Kar Ke Bhi
nafas ki aamad-o-shud ko wabaal kar ke bhi
wo KHush nahin hai hamara ye haal kar ke bhi
ajab tha nashsha-e-waraftagi-e-wasl use
wo taza-dam raha mujh ko niDhaal kar ke bhi
hamein aziz hamesha rahi hai nisbat-e-KHak
ye sar jhuka raha kasb-e-kamal kar ke bhi
lo hum na kahte the hum ko nahin umid-e-jawab
lo hum ne dekh liya hai sawal kar ke bhi
ye ek umr purani sharab hai yaro
KHumar-e-hijr rahega visal kar ke bhi
usi ke nam ka sajda kiya musalle par
usi ka zikr kiya hai dhamal kar ke bhi
sharab dana-e-angur se barabar khinch
par ek kuza kashid-e-KHayal kar ke bhi
Arif Imam 
(838) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544