Mujhko Furqat Se Guzara Jaega
mujh ko furqat se guzara jaega
aaj to shab-KHun mara jaega
raegan main aur tu bhi raegan
dur tak us ka KHasara jaega
yaad ki galiyon mein sina piT kar
raat-din tum ko pukara jaega
sarhad-e-dil par hai KHuni marka
aaj apna aap mara jaega
aap ko nafrat pasand aai meri
aap par se KHun wara jaega
main ne farmaya tha ki dil se na ja
ab gaya thoDa to sara jaega
Arif Ishtiaque 
(859) Peoples Rate This