Koi Bhi Shai Ho Miyan Jaan Se Pyari Kise Hai
koi bhi shai ho miyan jaan se pyari kise hai
jaan haari hai to ye dekhiye haari kise hai
kornish gul ko kare kaliyon ko aadab kahe
hosh ye mamlikat-e-baad-e-bahaari kise hai
dil bhi bas ek namuna hai ki duniya pe miTa
nazr zeba thi kise aur guzari kise hai
ek khunTe se bandhe dasht-o-daman dekhe hain
ab mayassar ram-e-ahu-e-tatari kise hai
uD chalo muntaKHab-e-KHas hain us ke hum log
warna hasil ye tamanna ki sawari kise hai
ek sitare ke liye sar falak karta hun
dosto fursat-e-sayyara-shikari kise hai
Arshad Abdul Hamid 
(809) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544