Ufuq Ke KHunin Dhundlakon Ka Subh Nam Nahin
ufuq ke KHunin dhundlakon ka subh nam nahin
qadam baDha ki ye sathi tera maqam nahin
abhi na de mujhe izn-e-bahaar ai saqi
abhi hayat sitaron se ham-kalam nahin
mila hai ab kahin sadiyon ke baad maston ko
wo mai-kada ki jahan koi tishna kaam nahin
na aarizon pe shafaq hai na gesuon mein shikan
ye subh-o-sham nahin mere subh-o-sham nahin
bahaar-e-dair-o-haram le ke kya karun naseh
ye qafile to abhi tak sahar-maqam nahin
qadam qadam pe hai darkar jahd-o-fikr-o-amal
ye zindagi hai sada-e-shikast-e-jam nahin
abhi to daman-e-shab mein sisak rahi hai sahar
baDhe chalo ki abhi saat-e-qayam nahin
Arshi Bhopali 
(867) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544