Tamasha Hai Ki Sab Aazad QauMein
tamasha hai ki sab aazad qaumen
bahi jati hain aazadi ki rau mein
wo gard-e-karwan ban ke chale hain
sitare the rawan jin ke jilau mein
safar kaisa faqat aawargi hai
nahin manzil nigah-e-rah-rau mein
hai soz-e-dil hi raaz-e-zindagani
hayat-e-shama hai sirf us ki lau mein
bahut the ham-zaban lekin jo dekha
na nikla ek bhi hamdard sau main
'asad' saqi ki hai dohri inayat
sharab-e-kohna Dali jam-e-nau mein
Asad Multani 
(804) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544