Chupke Se Nam Le Ke Tumhaara Kabhi Kabhi
chupke se nam le ke tumhaara kabhi kabhi
dil Dubne laga to ubhaara kabhi kabhi
har-chand ashk-e-yas jab umDe to pi gae
chamka falak pe ek sitara kabhi kabhi
main ne to honT si liye is dil ko kya karun
be-iKHtiyar tum ko pukara kabhi kabhi
zahr-e-alam ki aur baDhane ko talKHiyan
be-mehriyon ke sath mudara kabhi kabhi
ruswaiyon se dur nahin be-qarariyan
dil ko ho kash sabr ka yara kabhi kabhi
qatre ke ek mauj ye kahti nikal gai
sahil se maslahat hai kinara kabhi kabhi
ai shahid-e-jamal koi shakl hai ki ho
teri nazar se tera nazara kabhi kabhi
hangam-e-girya aah se nadan 'asar' hazar
uDta hai ashk jaise sharara kabhi kabhi
Asar Lakhnavi 
(1011) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544