Hai Kaun Jis Se Ki Wada KHata Nahin Hota
hai kaun jis se ki wada KHata nahin hota
magar kisi ka irada KHata nahin hota
jahan bisat pe ghir jae shah narghe mein
wahan kabhi bhi piyaada KHata nahin hota
wo dushmanon mein agar ho to bach bhi jaun main
usi ka war mabaada KHata nahin hota
jo sar bache bhi to dastar bach nahin sakti
nishana us ka ziyaada KHata nahin hota
kisi ki gard-e-safar baiThte bhi dekhenge
hamari nazron se jada KHata nahin hota
hain tajrabe mere ehsanmand lafzon ke
ho shakl ya ki labaada KHata nahin hota
Ashar Hashmi 
(995) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544