Jo Zaruri Hai Kar Kar Pahle
jo zaruri hai kar kar pahle
shukr-e-parwardigar kar pahle
gham ka har dam bayan nahin achchha
apni KHushiyan shumar kar pahle
ishq ek aag ka samundar hai
ye samundar tu par kar pahle
mat uTha ungliyan raqibon par
aib apne shumar kar pahle
raushni ki agar tamanna hai
zulmat-e-shab pe war kar pahle
mat bhi is mein jit jaisi hai
ishq mein dekh, haar kar pahle
sar-bulandi hai KHaksari mein
inkisar iKHtiyar kar pahle
dene wala baDai bhi dega
us ke bandon se pyar kar pahle
Ashok Sawhny 
(801) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544