Manzil-e-sidq-o-safa Ka Rasta Apnaiye
manzil-e-sidq-o-safa ka rasta apnaiye
karwan-e-zindagi ke rahnuma ban jaiye
hum ne mana har taraf tira-shabi ka raj hai
aap suraj hain agar tu raushni phailaiye
aaina patthar se Takrana zaruri to nahin
baat jab hai aaine se aaina Takraiye
aap ko tira-shabi se is qadar kyun KHauf hai
ho sake to ek jugnu hi muqabil laiye
ye to sach hai zindagi zinda-dili ka nam hai
zindagi ke nam par itna bhi mat itraiye
gar yun hi karta raha mujh ko zamana paemal
aap ko sab kya kahenge ghaur to farmaiye
ye bhi ek sasta sa andaz-e-siyasat hai 'ashok'
kuchh na kije baiTh kar bas tabsire farmaiye
Ashok Sawhny 
(957) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544