De Aaya Apni Jaan Bhi Darbar-e-ishq Mein
de aaya apni jaan bhi darbar-e-ishq mein
phir bhi na ban saka KHabar aKHbar-e-ishq mein
jab mil na paya us se mujhe izn-e-guftugu
main ek kitab ban gaya izhaar-e-ishq mein
qimat laga saka na KHaridar phir bhi main
jins-e-wafa bana raha bazar-e-ishq mein
shayad yahi thi us ki mohabbat ki intiha
mujh ko bhi us ne chun diya diwar-e-ishq mein
tah tak main khoj aaya hua gharq bar bar
aaya na phir bhi tairna manjhdar-e-ishq mein
Ashraf Shad 
(930) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544