Thin Zaminen Gum-shuda Aur Aasman Milta Na Tha

thin zaminen gum-shuda aur aasman milta na tha

sar pe suraj tha mere par saeban milta na tha

be-natija hi rahi hai har safar ki justuju

DhunDne nikle the jis ko wo jahan milta na tha

manzilen aasan thin aur raste maKHdush the

kashtiyan maujud thin par baadban milta na tha

ghonsle KHali paDe hain aur wahin par aas pas

kuchh parinde the ki jin ko aashiyan milta na tha

gardish-e-dauran mujhe phir ab wahin le aai hai

shahr jo mera tha lekin ham-zaban milta na tha