Magar Nahin Tha Faqat Mir KHwar Main Bhi Tha
magar nahin tha faqat 'mir' KHwar main bhi tha
ki ahl-e-dard mein aashufta-kar main bhi tha
saba ki tarah use bhi na tha sabaat kahin
na jaane kya tha bahut be-qarar main bhi tha
panah leni paDi thi mujhe bhi sae mein
rahin-e-minnat-e-diwar-e-yar main bhi tha
hazar apni tabiat pe jabr karta tha
main sabr karta tha be-iKHtiyar main bhi tha
ye kis ne dekha ki mujh be-nawa ke daman mein
mohabbaten thin bahut saya-dar main bhi tha
Asif Jamal 
(744) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544