Hai Mustaqil Yahi Ehsas Kuchh Kami Si Hai

hai mustaqil yahi ehsas kuchh kami si hai

talash mein hai nazar dil mein bekali si hai

kisi bhi kaam mein lagta nahin hai dil mera

baDe dinon se tabiat bujhi bujhi si hai

baDi ajib udasi hai muskuraata hun

jo aaj kal meri haalat hai shairi si hai

guzar rahe hain shab o roz be-sabab mere

ye zindagi to nahin sirf zindagi si hai

thaki to ek mohabbat ne mund li aankhen

har ek nind se ab meri dushmani si hai

tere baghair kahan hai sukun kya aaram

kahin rahun meri taklif beghari si hai

nahin wo sham-e-mohabbat rahi to phir 'asim'

ye kis dua se mere ghar mein raushni si hai

(1001) Peoples Rate This

Your Thoughts and Comments

Hai Mustaqil Yahi Ehsas Kuchh Kami Si Hai In English By Famous Poet Asim Wasti. Hai Mustaqil Yahi Ehsas Kuchh Kami Si Hai is written by Asim Wasti. Read famous Poem Hai Mustaqil Yahi Ehsas Kuchh Kami Si Hai for youth and Student by Asim Wasti. Free Download Hai Mustaqil Yahi Ehsas Kuchh Kami Si Hai in PDF.