Ek Barg Barg Din Ki KHabar Chahiye Mujhe
ek barg barg din ki KHabar chahiye mujhe
main shaKH-e-shab-zada hun sahar chahiye mujhe
meri talab dahakte alaw na the kabhi
ambar-e-KHas hun ek sharar chahiye mujhe
kab tak sulagti ret pe behis paDa rahun
is gul-zamin ki samt safar chahiye mujhe
sau bar jism-o-jaan ko banana paDa sawal
is tajribe se ab to hazar chahiye mujhe
wo rabt-e-dosti jise painda kah saken
milti nahin ye chiz magar chahiye mujhe
mazmun-e-agahi hun bayan chahta hun main
afsun-e-be-asar hun asar chahiye mujhe
Aslam Ansari 
(845) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544