Waqt Ka Kuchh Ruka Sa Dhaara Hai
waqt ka kuchh ruka sa dhaara hai
tum ne shayad mujhe pukara hai
tum na aaoge ye bhi hai malum
chand yaadon ka bas sahaara hai
un ki yaadon ke chand phulon se
chaman-e-taza dil hamara hai
aaj hum ne to de ke jaan apni
zindagi tera qarz utara hai
un ki nazron ne zaKHm-e-dil ko mere
mundamil kar ke phir ubhaara hai
log kahte hain us ko bhi shabnam
sar-e-mizhgan jo ek sitara hai
phir bhi hasil sukun nahin 'aslam'
umr bhar hasraton ko mara hai
Aslam Azad 
(691) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544