Aansu Tumhaari Aankh Mein Aae To UTh Gae

aansu tumhaari aankh mein aae to uTh gae

hum jab karam ki tab na lae to uTh gae

baiThe the aa ke pas ki apnon mein tha shumar

dekha ki hum hi nikle parae to uTh gae

hum harf-e-zer-e-lab the hamein kaun rokta

lafzon ke tum ne jal bichhae to uTh gae

baiThe chhupa chhupa ke jo daman mein aaftab

hum ne bhi kuchh charagh jalae to uTh gae

kya tha hamare pas ba-juz ek sukut-e-gham

charke bahut jo tum ne lagae to uTh gae