Kabhi Saya Hai Kabhi Dhup Muqaddar Mera
kabhi saya hai kabhi dhup muqaddar mera
hota rahta hai yun hi qarz barabar mera
TuT jate hain kabhi mere kinare mujh mein
Dub jata hai kabhi mujh mein samundar mera
kisi sahra mein bichhaD jaenge sab yar mere
kisi jangal mein bhaTak jae ga lashkar mera
ba-wafa tha to mujhe puchhne wale bhi na the
be-wafa hun to hua nam bhi ghar ghar mera
kitne hanste hue mausam abhi aate lekin
ek hi dhup ne kumhla diya manzar mera
aaKHiri jura-e-pur-kaif ho shayad baqi
ab jo chhalka to chhalak jae ga saghar mera
Athar Nafees 
(1883) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544