De Kar Pichhli Yaadon Ka Ambar Mujhe
de kar pichhli yaadon ka ambar mujhe
phenk diya hai sat samundar par mujhe
har manzar ke andar bhi ek manzar hai
dekhne wala bhi to ho tayyar mujhe
teri kami gar mujh se puri hoti hai
le aaenge log sar-e-bazar mujhe
sari chizen ghair-munasib lagti hain
hath mein de di jae ek talwar mujhe
inTen jaane kab harkat mein aa jaen
jaane kis din chun le ye diwar mujhe
ek musalsal choT si lagti rahti hai
samna KHud apna hai har har bar mujhe
Atiiqullah 
(631) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544