Na Jis Ka Koi Sahaara Ho Wo Kidhar Jae

na jis ka koi sahaara ho wo kidhar jae

na aae maut to be-maut kaise mar jae

main is KHayal se un se gila nahin karta

kahin na phul se chehre ka rang utar jae

tu hi bata de mujhe be-kasi-e-manzil-e-shauq

jo rah se bhi na waqif ho wo kidhar jae

hazaron taur nahin chashm-e-marifat ke liye

jahan jahan teri moajiz-numa nazar jae

tajalliyat se mamur hai har ek zarra

bila-sabab na koi koh-e-tur par jae

na pi tu apne ye aansu mazaq mein 'saqi'

kahin na zahr mohabbat mein kaam kar jae