Lahron Mein Badan Uchhaalte Hain
lahron mein badan uchhaalte hain
aao ki falak mein Dubte hain
duniya ki hazar neamaton mein
hum ek tujhi ko jaante hain
aankhon se dukhon ke sare manzar
saras ki uDan uD gae hain
hanste hue be-ghubar chehre
be-wajh udas ho rahe hain
kuchh dukh to KHushi ke bab mein the
baqi bhi nishan pa chuke hain
yun bhi hai ki pyar ke nashe mein
kuchh soch ki log ro paDe hain
sawan ki tarah se log aae
KHushbu ki tarah se guzar gae hain
bahte hue do badan samundar
honTon ke kinare aa lage hain
aankhon mein ye karbala ke manzar
apni hi ana ke rat-jage hain
Ayub Khawar 
(798) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544