KHud Hamin Ko Rahaton Ke Kaif Ka Chaska Na Tha
KHud hamin ko rahaton ke kaif ka chaska na tha
zindagi ka zahr warna is qadar kaDwa na tha
us ne tanhai se ghabra kar pukara to nahin
is se pahle to mera dil is tarah dhaDka na tha
hae wo aalam ki un ki bazm mein bhi baiTh kar
main yahi socha kiya main to kabhi tanha na tha
us ke apne hath ruKHsaron ko sahlane lage
go ba-zahir meri babat us ne kuchh socha na tha
har taraf khilti rahin kaliyan nasim-e-subh se
apni qismat mein saba ka ek bhi jhonka na tha
zindagi ai zindagi!! aa do ghaDi mil kar rahen
tujh se mera umr-bhar ka to koi jhagDa na tha
sochte hain ab use 'azad' hum kya nam den
umar ka wo daur dil mein jab koi sauda na tha
Azad Gulati 
(729) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544