Hawa Aashufta-tar Rakhti Hai Hum Aashufta-haalon Ko

hawa aashufta-tar rakhti hai hum aashufta-haalon ko

baratna chahti hai dasht-e-majnun ke hawalon ko

na aaya kuchh magar hum kushtagan-e-shauq ko aaya

hawa ki zad mein aaKHir be-sipar rakhna KHayalon ko

KHuda rakkhe tujhe ai naqsh-e-diwar-e-sanam-KHana

kahenge log diwar-e-abad teri misalon ko

andheri raat mein ek dasht-e-wahshat zindagi nikli

chala jata hun daman-e-nazar deta ujalon ko

bujha jata hai dil sa ek lal-e-shab charagh aaKHir

kahan le jaun us ke sath ke sahib-jamalon ko

khaDi hai taj pahne shahr mein KHar-e-mughilan ka

jawab-e-taza dene zindagi kohna sawalon ko

KHayaban KHandaqon mein khul gae wo mauj-e-KHun guzri

hawa-e-zaKHma-war ne saz samjha hai nihaalon ko

nikalne hi na pae halqa-e-dasht-e-tamanna se

mili thi gardish-e-parkar aisi kuchh ghazalon ko

subu mein maujzan aab-e-zamir-e-mai-gusaran hai

tulu-e-subh tak raushan rakkhenge hum piyalon ko

kabud o surKH mein thi nek o bad mein dagh o darman mein

hawa sayyah thi dekh aai sab gham ke shiwalon ko

taghayyur ki zamin par aadmi ka tez-rau partaw

gaya hai surat-e-mishal liye aainda salon ko

(632) Peoples Rate This

Your Thoughts and Comments

Hawa Aashufta-tar Rakhti Hai Hum Aashufta-haalon Ko In English By Famous Poet Aziz Hamid Madni. Hawa Aashufta-tar Rakhti Hai Hum Aashufta-haalon Ko is written by Aziz Hamid Madni. Read famous Poem Hawa Aashufta-tar Rakhti Hai Hum Aashufta-haalon Ko for youth and Student by Aziz Hamid Madni. Free Download Hawa Aashufta-tar Rakhti Hai Hum Aashufta-haalon Ko in PDF.