TalKH-tar Aur Zara Baada-e-safi Saqi
talKH-tar aur zara baada-e-safi saqi
mere sine mein KHas-o-KHar hain kafi saqi
zulmat o nur ko pyalon mein samo deti hai
sham paDte hi teri chashm-e-ghilafi saqi
zahr ka jam hi de zahr bhi hai aab-e-hayat
KHushk-sali ki to ho jae talafi saqi
nashsha-e-mai se zara zaKHm ke Tanke TuTe
ta-abad silsila-e-sina-shigafi saqi
zindagani ka maraz kam nahin hone pata
ye maraz kam na ho allah hai shafi saqi
kaT di gardish-e-ayyam ki zanjir us ne
kaun hai gardish-e-mina ke munafi saqi
ek kaf-e-ju hai mata-e-KHirad o sikka-e-hosh
jam-e-mai de ki ye aalam hai izafi saqi
Aziz Hamid Madni 
(853) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544