Surat-e-zanjir Mauj-e-KHun Mein Ek Aahang Hai
surat-e-zanjir mauj-e-KHun mein ek aahang hai
aagahi ki had pe ek KHwab-e-junun ki jang hai
jaane kin chehron ki lau thi jaane kis manzar ki aag
nind ka resham dhuan hai KHwab shoala-rang hai
ek junun-KHane mein KHud ko DhunDhta hai aadmi
KHud-tawafi mein bhi KHud se sainkaDon farsang hai
kirm-KHurda kashtiyan binai ki hain tah-nashin
nam hawa se ustaKHwanon mein utarta rang hai
aag ko gulzar kar de us dua ka waqt hai
warna KHu-e-adamiyat aadmi par tang hai
bu-e-gul ruKHsat hui shayad ye ho KHatm-e-bahaar
TuTti lai mein bikharti saut-e-shab-ahang hai
ek markaz par ziden yakja hain aur gardish mein hain
ye zamane ka taghayyur aalam-e-nairang hai
Aziz Hamid Madni 
(903) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544