Nazninan-e-jahan Shobada-gar Pakke Hain
nazninan-e-jahan shobada-gar pakke hain
dekhne ko to ye bhole hain magar pakke hain
hum luTa denge mohabbat mein mata-e-hasti
hum dikha denge irade ke agar pakke hain
puKHta-kari ki KHabar deti hai KHami un ki
kan ke kachche hain matlab ke magar pakke hain
ye to farmaiye qasmon ki zarurat kya thi
aap iqrar ke wade ke agar pakke hain
KHauf tufan-e-hawadis ka nahin mujh ko 'aziz'
jin ki buniyaad hai mazbut wo ghar pakke hain
Aziz Hyderabadi 
(979) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544