Jale Hain Dil Na Charaghon Ne Raushni Ki Hai

jale hain dil na charaghon ne raushni ki hai

wo shab-paraston ne mahfil mein tirgi ki hai

hadis-e-zulm-o-sitam hai hanuz na-gufta

hanuz mohr zabanon pe KHamushi ki hai

us ek jam ne saqi ki jo ata Thahra

sukun diya hai na kuchh dard mein kami ki hai

hamein ye naz na kyun ho ki nai-nawaz hain hum

hamare honTon ne ijad naghmagi ki hai

chaman mein sirf hamin raazdan hain kanTon ke

gulon ke sath basar hum ne zindagi ki hai

firaq-e-yar ne baKHshi hai wasl ki lazzat

KHayal-e-yar ne zulmat mein raushni ki hai

hain jis ki did se mahrum aaj tak 'KHawar'

usi ki hum ne tasawwur mein bandagi ki hai

(1046) Peoples Rate This

Your Thoughts and Comments

Jale Hain Dil Na Charaghon Ne Raushni Ki Hai In English By Famous Poet Badiuzzama Khawar. Jale Hain Dil Na Charaghon Ne Raushni Ki Hai is written by Badiuzzama Khawar. Read famous Poem Jale Hain Dil Na Charaghon Ne Raushni Ki Hai for youth and Student by Badiuzzama Khawar. Free Download Jale Hain Dil Na Charaghon Ne Raushni Ki Hai in PDF.