Dil-o-jaan Ke Fasane Kya Hue Sab
dil-o-jaan ke fasane kya hue sab
mohabbat ke tarane kya hue sab
yahan kuchh sufiyon ka ghar tha pahle
wo un ke aastane kya hue sab
purana peD bargad ka kahan hai
parindon ke Thikane kya hue sab
kahan hain shahr ke be-fikr bachche
masarrat ke KHazane kya hue sab
barasti thi mohabbat aasman se
wo barish ke zamane kya hue sab
tere ashaar par ye chup si kyun hai
'nazar' tere diwane kya hue sab
Badnam Nazar 
(925) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544