Is Lab Se Ras Na Chuse Qadah Aur Qadah Se Hum
is lab se ras na chuse qadah aur qadah se hum
to kyun mile subu se qadah aur qadah se hum
saqi na howe pas tu kab jura-e-sharab
shishe ke le gulu se qadah aur qadah se hum
baqi rahe na baada to us ke ewaz mein aab
le KHum ki shust-o-shu se qadah aur qadah se hum
gardish pe teri chashm ki bahse hai hum se yar
dawe ki guftugu se qadah aur qadah se hum
chashm apni Tuk dikha de use tu ki aawe baz
is bahs-e-du-ba-du se qadah aur qadah se hum
bosa tere dahan se ye hangam-e-mai-kashi
le hai kis aarzu se qadah aur qadah se hum
pate hain mai-kade mein 'baqa' neamat-e-sharab
KHum se sab subu subu se qadah aur qadah se hum
Baqaullah 'Baqa' 
(783) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544