Suhane Sapne Aae Hain

suhane sapne aae hain

lubhane sapne aae hain

mujhe manzil ki dawat hai

bulane sapne aae hain

meri bedar aankhon ko

sajaane sapne aae hain

main ek muddat se soya tha

jagane sapne aae hain

mujhe pane tum aae ho

ganwane sapne aae hain

ye sapne ja nahin sakte

churane sapne aae hain

ye arman phir se toDenge

dikhane sapne aae hain

naya sa khel hai koi

purane sapne aae hain

mujhe to aaKHiri dam tak

hansane sapne aae hain

ajab 'mahtab' aankhon ke

diwane sapne aae hain