Usko Duniya Aur Na Uqba Chahiye
us ko duniya aur na uqba chahiye
qais laila ka hai laila chahiye
ab jo kuchh karna hai karna chahiye
aaj hi se fikr-e-farda chahiye
in buton se dil lagane ke liye
sach hai patthar ka kaleja chahiye
dekhna un ka to qismat mein nahin
dekhne wale ko dekha chahiye
wo nahin aae to wade par na aaen
ai ajal tujh ko to aana chahiye
mujh se nafrat hai to nafrat hi sahi
chahiye ghairon ko achchha chahiye
KHuld walon ko dikhane ke liye
ek tere kuche ka naqsha chahiye
aa ke ab jata kahan hai tir-e-naz
tujh ko mere dil mein rahna chahiye
toD kar 'bedam' but-e-pindar ko
dair ko kaba banana chahiye
Bedam Shah Warsi 
(1237) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544