Phir Mujhe Likhna Jo Wasf-e-ru-e-jaanan Ho Gaya

phir mujhe likhna jo wasf-e-ru-e-jaanan ho gaya

wajib is ja par qalam ko sar jhukana ho gaya

sar-kashi itni nahin zalim hai o zulf-e-siyah

bas ki tarik apni aankhon mein zamana ho gaya

dhyan aaya jis ghaDi us ke dahan-e-tang ka

ho gaya dam band mushkil lab hilana ho gaya

ai azal jaldi rihai de na bas taKHir kar

KHana-e-tan bhi mujhe ab qaid-KHana ho gaya

aaj tak aaina-wash hairan hai is fikr mein

kab yahan aaya sikandar kab rawana ho gaya

daulat-e-duniya na kaam aaegi kuchh bhi baad-e-marg

hai zamin mein KHak qarun ka KHazana ho gaya

baat karne mein jo lab us ke hue zer-o-zabar

ek saat mein tah-o-baala zamana ho gaya

dekh li raftar us gul ki chaman mein kya saba

sarw ko mushkil qadam aage baDhana ho gaya

jaan di aaKHir qafas mein andalib-e-zar ne

muzhda hai sayyaad viran aashiyana ho gaya

zinda kar deta hai ek dam mein ye isa-e-nafas

khel is ko goya murde ko jilana ho gaya

tausan-e-umr-e-rawan dam bhar nahin rukta 'rasa'

har nafas goya usi ka taziyana ho gaya

(790) Peoples Rate This

Your Thoughts and Comments

Phir Mujhe Likhna Jo Wasf-e-ru-e-jaanan Ho Gaya In English By Famous Poet Bhartendu Harishchandra. Phir Mujhe Likhna Jo Wasf-e-ru-e-jaanan Ho Gaya is written by Bhartendu Harishchandra. Read famous Poem Phir Mujhe Likhna Jo Wasf-e-ru-e-jaanan Ho Gaya for youth and Student by Bhartendu Harishchandra. Free Download Phir Mujhe Likhna Jo Wasf-e-ru-e-jaanan Ho Gaya in PDF.