Ab Tak To Yahi Pata Nahin Hai
ab tak to yahi pata nahin hai
is shahr mein kya hai kya nahin hai
patte ko na is tarah se dekho
Tahni se abhi gira nahin hai
chup-chap khaDa hua hun kab se
ehsas to hai sada nahin hai
ek lamhe mein main bhi tu bhi dukh bhi
zalim koi waqt sa nahin hai
jo aks hai aaine mein mera
us se koi wasta nahin hai
us rah pe chal raha hun kab se
jis rah mein naqsh-e-pa nahin hai
har tan pe jo 'ashk' Thik baiThe
wo coat abhi sila nahin hai
Bimal Krishn Ashk 
(1512) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544