Jin Par Nisar Shams-o-qamar Aasman Ke Hain
jin par nisar shams-o-qamar aasman ke hain
do zarre KHak-e-kishwar-e-hindostan ke hain
kohsar fasl-e-gul mein paristan se kam nahin
kya kya tilism sabza-e-ab-e-rawan ke hain
aKHlaq waza tarz rawish sab mein inqalab
ab rang-Dhang aur hi pir-o-jawan ke hain
hai aql dang safha-e-awwal mein aaj tak
kahne ko garche sat waraq aasman ke hain
Bishan Narayen Darabar 
(617) Peoples Rate This