Meri Raat Mera Charagh Meri Kitab De
meri raat mera charagh meri kitab de
mera sahra bandh le panw se mujhe aab de
mere nukta-dan tera fahm apni misal hai
main hun ek sada sawal koi jawab de
meri chashm-e-nam kisi ratjage mein ulajh gai
meri nind oDh le raat bhar mujhe KHwab de
mere goshware mein kaun bharta gaya lahu
ai meri talab mujhe har ghaDi ka hisab de
mere bahr o bar ko sameT le mere kuza-gar
mujhe an-kahi mujhe aagahi ka azab de
Bushra Ejaz 
(1304) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544