Sar-e-dasht Dil Jo Sarab Tha Koi KHwab Tha
sar-e-dasht dil jo sarab tha koi KHwab tha
meri KHwahishon ka azab tha koi KHwab tha
teri KHushbuon ki talash mein mera raaz-dan
wahi ek kunj-e-gulab tha koi KHwab tha
wo jo chand tha sar-e-asman koi yaad thi
jo gulon pe ahd-e-shabab tha koi KHwab tha
jo na kaT saka wo nishan tha kisi zaKHm ka
jo na mil saka wo sarab tha koi KHwab tha
Bushra Hashmi 
(1083) Peoples Rate This