Agar Aurat Kama Sakti To
khari baaton ka zaiqa tursh hota hai
ba-hasiyat insan
aurat ki zarurat
kisi mard ko nahin
wo girwi rakhi jae
ya bech di jae
kirae pe li jae
ya yak-musht KHarid li jae
us ke KHayalat ki
bandar-banT mumkin nahin
hukm ki pabandi ka tauq pahan kar
jiwan ki kuTiya ka
kiraya ada karte hue
agar aurat kama sakti to
lati mard ke liye KHarid kar
wo hausla
ki jis se wo apna chehra
us ke KHayal aaine mein dekh sakta
na-KHush tamam baaton ko
insaf ke palDe mein taul sakta
adam-e-tahaffuz ke pinjre mein
tisre darje ke qaidi ki haisiyat se
agar aurat kama sakti to
lati mard ke liye KHarid kar
wo mohabbat
jo us ki fitri zarurat se mawara hoti
agar aurat kama sakti to
Bushra Saeed 
(1401) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544