Agar Dard-e-mohabbat Se Na Insan Aashna Hota
agar dard-e-mohabbat se na insan aashna hota
na kuchh marne ka gham hota na jine ka maza hota
bahaar-e-gul mein diwanon ka sahra mein para hota
jidhar uThti nazar koson talak jangal hara hota
mai-e-gul-rang luTti yun dar-e-mai-KHana wa hota
na pine ki kami hoti na saqi se gila hota
hazaron jaan dete hain buton ki bewafai par
agar un mein se koi ba-wafa hota to kya hota
rulaya ahl-e-mahfil ko nigah-e-yas ne meri
qayamat thi jo ek qatra in aankhon se juda hota
KHuda ko bhul kar insan ke dil ka ye aalam hai
ye aaina agar surat-numa hota to kya hota
agar dam bhar bhi miT jati KHalish KHar-e-tamanna ki
dil-e-hasrat-talab ko apni hasti se gila hota
Chakbast Brij Narayan 
(1309) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544