Dil Chura Kar Nazar Churai Hai
dil chura kar nazar churai hai
luT gae luT gae duhai hai
ek din mil ke phir nahin milte
kis qayamat ki ye judai hai
ai asar kar na intizar-e-dua
mangna saKHt be-hayai hai
main yahan hun wahan hai dil mera
na-rasai ajab rasai hai
is tarah ahl-e-naz naz karen
bandagi hai ki ye KHudai hai
pani pi pi ke tauba karta hun
parsai si parsai hai
wada karne ka iKHtiyar raha
baat karne mein kya burai hai
kab nikalta hai ab jigar se tir
ye bhi kya teri aashnai hai
'dagh' un se dimagh karte hain
nahin malum kya samai hai
Dagh Dehlvi 
(1177) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544