Saz Ye Kina-saz Kya Jaanen

saz ye kina-saz kya jaanen

naz wale niyaz kya jaanen

shama-ru aap go hue lekin

lutf-e-soz-o-gudaz kya jaanen

kab kisi dar ki jabha-sai ki

shaiKH sahab namaz kya jaanen

jo rah-e-ishq mein qadam rakkhen

wo nasheb-o-faraaz kya jaanen

puchhiye mai-kashon se lutf-e-sharab

ye maza pak-baz kya jaanen

bale chitwan teri ghazab ri nigah

kya karenge ye naz kya jaanen

jin ko apni KHabar nahin ab tak

wo mere dil ka raaz kya jaanen

hazrat-e-KHizr jab shahid na hon

lutf-e-umr-e-daraaz kya jaanen

jo guzarte hain 'dagh' par sadme

aap banda-nawaz kya jaanen

(576) Peoples Rate This

Your Thoughts and Comments

Saz Ye Kina-saz Kya Jaanen In English By Famous Poet Dagh Dehlvi. Saz Ye Kina-saz Kya Jaanen is written by Dagh Dehlvi. Read famous Poem Saz Ye Kina-saz Kya Jaanen for youth and Student by Dagh Dehlvi. Free Download Saz Ye Kina-saz Kya Jaanen in PDF.