Bila-jawaz Nahin Hai Falak Se Jang Meri
bila-jawaz nahin hai falak se jang meri
aTak gai hai sitare mein ek patang meri
phir ek rose mere pas aa kar us ne kaha
ye oDhni zara qaus-e-quzah se rang meri
jo kaenat kinare se ja ke mil jae
wahi faragh-talab hai zamin tang meri
main chiKHte hue sahra mein dur tak bhaga
na jaane ret kahan le gai umang meri
fana ki surKH dopahron mein raqs jari tha
ragen nichoD rahe the rabab-o-chang meri
lahu ki bund giri raushni ka phul khila
phir us ke baad koi aur thi tarang meri
Daniyal Tareer 
(993) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544