Sahma Hai Aasman Zamin Bhi Udas Hai

sahma hai aasman zamin bhi udas hai

har ganw aur shahr mein KHauf-o-hiras hai

ek lamha-e-sukun bhi mayassar nahin hamein

tere baghair apna har ek pal udas hai

ye kaisi dilkashi hai yahan kaun aa gaya

kaisi ye raushni si mere aas-pas hai

aawargi ka nam hai tahzib-e-nau yahan

aankhon mein sharm hai na badan par libas hai

duniya mein apni aap magan hum hain is tarah

apnon ka kuchh KHayal na rishton ka pas hai

masmum si hawaen pata de gain hamein

qatil hamara koi yahin aas-pas hai

'mohsin' suna hai hum ne ye kaamil faqir se

hoga KHuda se aashna jo KHud-shanas hai

(3684) Peoples Rate This

Your Thoughts and Comments

Sahma Hai Aasman Zamin Bhi Udas Hai In English By Famous Poet Daood Mohsin. Sahma Hai Aasman Zamin Bhi Udas Hai is written by Daood Mohsin. Read famous Poem Sahma Hai Aasman Zamin Bhi Udas Hai for youth and Student by Daood Mohsin. Free Download Sahma Hai Aasman Zamin Bhi Udas Hai in PDF.