Mohabbat Ki Mata-e-jawedani Le Ke Aaya Hun
mohabbat ki mata-e-jawedani le ke aaya hun
tere qadmon mein apni zindagani le ke aaya hun
kahan sim-o-guhar jin ko luTaun tere qadmon par
bara-e-nazr ashkon ki rawani le ke aaya hun
tujhe jo puchhna ho puchh le ai dawar-e-mahshar
main apne sath apni be-zabani le ke aaya hun
zamin-o-mulk ke badle dilon par hai nazar meri
achhuta ek tariq-e-hukmarani le ke aaya hun
mere zaKHm-e-tamanna dekh kar pahchan lo mujh ko
tumhaari hi ata-karda nishani le ke aaya hun
mere ashaar mein muzmar hain lakhon dhaDkanen dil ki
main ek duniya ka gham dil ki zabani le ke aaya hun
mohabbat nam hai betabi-e-dil ke tasalsul ka
mohabbat ki main 'darshan' ye nishani le ke aaya hun
Darshan Singh 
(1275) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544