Chaaragar
rah-e-ishq ki intiha chahta hun
junun sa koi rahnuma chahta hun
jo irfan ki zindagi ko baDha de
main wo baada-e-jaan-faza chahta hun
miTa kar mujhe aai main jazb kar le
baqa ke liye main fana chahta hun
bayan haal-e-dil main karun kyun zaban se
koi jaanta hai main kya chahta hun
mujhe kya zarurat hai kya tum se mangun
magar main tumhaara bhala chahta hun
mere chaaragar main hun bimar tera
tere hath hi shifa chahta hun
Darshan Singh 
(1443) Peoples Rate This