Zindagi Ka Kis Liye Matam Rahe

zindagi ka kis liye matam rahe

mulk basta hai miTe ya hum rahe

dil rahe piri mein bhi tera jawan

aaKHiri dam tak yahi dam-KHam rahe

chahiye insan ka dil ho ghani

pas mal o zar bahut ya kam rahe

kya isi jannat ki ye tahris hai

jis mein kuchh din hazrat-e-adam rahe

wasl se matlab na rakh tu ishq ka

dam bhare ja dam mein jab tak dam rahe

lag ek din ban ke rahti hai lagaw

han lagawaT kuchh na kuchh baham rahe

ishq ne jis dil pe qabza kar liya

phir kahan us mein nashat o gham rahe

sharq se jab nur chamka to kahan

barg-e-gul par qatra-e-shabnam rahe

husn ki duniya ka hai daem shabab

hashr tak us ka yahi aalam rahe

hai surur-e-husn 'kaifi' la-yazal

dar-KHur-e-zarf us mein besh o kam rahe

(666) Peoples Rate This

Your Thoughts and Comments

Zindagi Ka Kis Liye Matam Rahe In English By Famous Poet Dattatriya Kaifi. Zindagi Ka Kis Liye Matam Rahe is written by Dattatriya Kaifi. Read famous Poem Zindagi Ka Kis Liye Matam Rahe for youth and Student by Dattatriya Kaifi. Free Download Zindagi Ka Kis Liye Matam Rahe in PDF.