Jag Hai Mushtaq Piw Ke Darshan Ka
jag hai mushtaq piw ke darshan ka
kis kun nin ehtiyaj darpan ka
saf dil hai jo aarsi manind
nit hai hairan jamal-e-raushan ka
garche hona hai aib-poshi jahan
kasb kar iKHtiyar sozan ka
kyun na hue aashiqi mein KHauf raqib
har safar mein KHatar hai rahzan ka
zohd-e-zahid hai KHauf-e-mahshar sun
tab namard kun kahan ran ka
KHak ho yar ki gali mat chhoD
garche kuchh muddaa hai daman ka
sabr kar hijr mein tun ai 'daud'
dekhna hai agar sirijan ka
Daud Aurangabadi 
(858) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544