Gham Ko Wajh-e-hayat Kahte Hain
gham ko wajh-e-hayat kahte hain
aap bhi KHub baat kahte hain
aap se hai wo ya hamin se hai
hum jise kaenat kahte hain
kor-zauqi ki intiha ye hai
log din ko bhi raat kahte hain
ye ghalat kya hai tajarbe ko agar
hasil-e-hadsat kahte hain
bach nikalna fareb-e-hasti se
bas isi ko najat kahte hain
jis mohabbat pe hai madar-e-hayat
us ko bhi be-sabaat kahte hain
wo mere sher hi to hain 'shoala'
jin ko qand-o-nabaat kahte hain
Davarka Das Shola 
(947) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544