Meri Manzil Kahan Hai Kya Malum

meri manzil kahan hai kya malum

intiha gham hai ibtida malum

tum nahin mere ab ye raaz khula

main tumhaara hun ab hua malum

dil ki parwa kare koi kab tak

chahta kya hai ye KHuda malum

dur se gul ko dekhna kya hai

yun to hota hai KHushnuma malum

pas aae to asl husn khule

dur ki chiz raaz-e-na-malum

tum ko chaha baDa qusur kiya

sahw zahir hai aur KHata malum

baat banti nazar nahin aati

un ke tewar se ho gaya malum

waza-dari se chup rahun warna

hai mujhe raaz aap ka malum

kaun hai jis ko KHu-e-e-maula ka

raaz-e-sar-basta ho saka malum

is qadar jald maut aaegi

hae insan ko ye na tha malum

main wafa bhi karun gile bhi karun

mujh ko hota hai ye bura malum

kya kahen kis liye rahe matub

hum ko ab tak nahin KHata malum

chal ke 'shoala' se puchhiye kyunkar

jurm sabit hua saza malum

(926) Peoples Rate This

Your Thoughts and Comments

Meri Manzil Kahan Hai Kya Malum In English By Famous Poet Davarka Das Shola. Meri Manzil Kahan Hai Kya Malum is written by Davarka Das Shola. Read famous Poem Meri Manzil Kahan Hai Kya Malum for youth and Student by Davarka Das Shola. Free Download Meri Manzil Kahan Hai Kya Malum in PDF.