Yahin Tha BaiTha Hua Darmiyan Kahan Gaya Main

yahin tha baiTha hua darmiyan kahan gaya main

ki mil raha nahin apna nishan kahan gaya main

na kar raha hai fulan ko fulan KHabar meri

na puchhta hai fulan se fulan kahan gaya main

nishan milta hai hazir mein kab guzishta ka

bata sakenge na aaindagan kahan gaya main

saje hue hain piyaada o asp o fil tamam

bichhi hui hai bisat-e-jahan kahan gaya main

main kab nahin tha akarat magar raha hazir

hua hun ab ke ajab raegan kahan gaya main

jise yaqin tha har sud mein KHasare ka

tha apne-ap mein sharh-e-ziyan kahan gaya main

agar tha pahle hi nam-o-nishan mera mafqud

to ho ke bar-e-digar be-nishan kahan gaya main

na bhejta hai koi nama-e-firaq mujhe

na DhunDhta hai pata KHat-rasan kahan gaya main

jo kar raha tha guzishta ke waqiat durust

suna raha tha ulaT dastan kahan gaya main

liya gaya hun hirasat mein be-amani ki

ki be-aman tha shahr-e-aman kahan gaya main

uTha ke le gaya darogha-e-fana shayad

khula hua hai dar-e-KHak-dan kahan gaya main

bujhi nahin mere aatish-kade ki aag abhi

uTha nahin hai badan se dhuan kahan gaya main

nahin hua hun magar is tarah kabhi ghaeb

raha hamesha nihan dar-ayan kahan gaya main

(482) Peoples Rate This

Your Thoughts and Comments

Yahin Tha BaiTha Hua Darmiyan Kahan Gaya Main In English By Famous Poet Ejaz Gul. Yahin Tha BaiTha Hua Darmiyan Kahan Gaya Main is written by Ejaz Gul. Read famous Poem Yahin Tha BaiTha Hua Darmiyan Kahan Gaya Main for youth and Student by Ejaz Gul. Free Download Yahin Tha BaiTha Hua Darmiyan Kahan Gaya Main in PDF.