Kar-e-KHair Itna To Ai Laghzish-e-pa Ho Jata

kar-e-KHair itna to ai laghzish-e-pa ho jata

pae saqi pe hi ek sajda ada ho jata

wo to ye kahiye ki majbur hai nazm-e-hasti

warna har banda-e-maghrur KHuda ho jata

qafile wale the mahrum-e-basirat warna

mera har naqsh-e-qadam rah-numa ho jata

gham ke maron pe bhi ai dawar-e-hashr ek nazar

aaj to faisla-e-ahal-e-wafa ho jata

yun andheron mein bhaTakte na kabhi ahl-e-KHirad

koi diwana agar rah-numa ho jata

dil teri nim-nigahi ka to mamnun sahi

dard abhi kam hai zara aur siwa ho jata

lazzat-e-gham se hai zid fitrat-e-gham ko shayad

dard hi dard na kyun dard dawa ho jata

sun ke bhar aata agar un ka bhi dil ai 'ejaz'

qissa-e-dard ka unwan naya ho jata

(944) Peoples Rate This

Your Thoughts and Comments

Kar-e-KHair Itna To Ai Laghzish-e-pa Ho Jata In English By Famous Poet Ejaz Warsi. Kar-e-KHair Itna To Ai Laghzish-e-pa Ho Jata is written by Ejaz Warsi. Read famous Poem Kar-e-KHair Itna To Ai Laghzish-e-pa Ho Jata for youth and Student by Ejaz Warsi. Free Download Kar-e-KHair Itna To Ai Laghzish-e-pa Ho Jata in PDF.